Mae’r Grŵp Sioraidd yn gweinyddu Cronfa Dreftadaeth F.E. Cleary, sef ymddiriedolaeth elusennol fechan sy’n ceisio gwneud gwaith cadwraeth ar bensaernïaeth Sioraidd. Pwyllgor Gweithredol y Grŵp yw Ymddiriedolwyr y Gronfa. Bydd grantiau’n cael eu rhoi’n flynyddol i nifer bychan o brosiectau sy’n canolbwyntio ar atgyweirio adeileddau Sioraidd. Bydd y grant mwyaf sydd ar gael i un prosiect gan amlaf wedi’i gyfyngu i £2,500 a dim ond mewn amgylchiadau eithriadol y gellir rhoi ffigur uwch. Gofynnir i ymgeiswyr nodi’r uchafswm maen nhw’n gofyn amdano gan Gronfa Cleary. Gan fod y symiau dan sylw’n fach, y bwriad felly yw ysgogi cynlluniau, procio ffynonellau eraill i roi grantiau, ac ariannu elfennau penodol mewn cynlluniau mwy o faint. 

Mae’r Ymddiriedolwyr yn cyfarfod yn flynyddol ym mis Medi i ystyried yr holl geisiadau a ddaeth i law dros y flwyddyn. Y dyddiad cau i gyflwyno ceisiadau yw 31 Awst. 

Mae’r nodiadau canlynol yn esbonio sut i wneud cais am grant, pa brosiectau sy’n gymwys, a’r amodau sy’n gysylltiedig â grant.